Setswana se a nyelela :: Mmegi Online

Batswana bangwe ba supile matshwenyego mabapi le seemo se ba kayang fa Batswana bangwe ba seng motlotlo ka go bala, go bua le go kwala Setswana. Motlhatlhelela dithuto kwa Mmadikolo (UB) Prof. Lydia Nyathi-Saleshando o supile mo mokwalong wa gagwe wa, ‘Minority Language Use and Early Educational Hurdles in Botswana’, gore lefa Setswana ele puo e Batswana ba e anywileng, bontsi jwa bone ga ba e dirise ka botlalo, ka jalo go beye bana ka fa mosing mme ba felele ba sa dire sentle mo dithutong tsa bone tsa sekolo se se potlana.

Nyathi-Saleshando a re bontsi jwa Batswana ba setse ba tsaya Setswana ele teme ya bobedi morago ga sekgoa, ka le kwa malwapeng ba sa e bue thata. O boletse gape mo mokwalong wa gagwe fa go le botlhokwa go sekaseka bokgoni jwa moithuti yoo buang diteme di sele jaaka sekgoa kwa malwapeng, le gape yoo buang Setswana kwa lwapeng.

O tsweletse a re bana ba ba goletseng mo malwapeng a go buiwang Setswana ba felela ba dira botoka mo dithutong tsa go kwala Setswana, mme go bua le go bala Setswana gone go tswelele ele kgwetlho mo go bone, bogolosegolo ba ba dirang lokwalo la borarato.

Already have an active account? Log in here.

Or Sign up and get unlimited access to premium articles.